تحت الحزام !!

img
مقالاات 0 elsalam

بقلم :أشرف همام
انت ياعم ،صوتك لمين وخلي بالك خطورة العضوية ومميزاتها !!
لازم تعرفها علشان تعرف كويس جداً هتدي لمين ولو هتبيع اعرف الي هيقبضك هياخد من وراك كام علشان تعرف صوتك يساوي ايه

في السطور القادمة 7 مميزات لحاملى كارنية عضوية مجلس النواب.
1__ السفر المجاني
يعتبر النائب البرلماني أكثر حظًا من الصحفيين ورجال الجيش الذين يدفعون نصف تذكرة في المواصلات العامة، فمن بين المميزات التي يمنحها كارنية عضوية مجلس النواب لحامليه من أعضاء المجلس إمكانية السفر المجاني بالطيران الداخلى أو باستخدام القطارات والمواصلات العامة.
2 __ ممنوع التفتيش
السفر المجانى ليس الميزة الوحيدة التي تقدم للنائب، عندما يبرز كارنية عضوية المجلس يكون محصنا من التفتيش في الأماكن العامة بما فيها المطارات كذلك يشمل منع التفتيش الممتلكات الخاصة التي تتمثل في محال إقامتهم وسياراتهم الخاصة.
3__ مكافأة
ومن أبرز المميزات التي يحصل النائب عليها عقب نجاحه في الانتخابات مباشرة، المكافأة التي تقدرها الدولة بقيمة 30 ألف جنيه لكل نائب فاز بعضوية المجلس.
4 __ خصم خاص
كما يحصل عضو مجلس الشعب على خصومات مميزة عندما يشترى أرضا أو وحدة سكنية من وزارة الإسكان، حتى أنه خرجت مطالبات عديدة داخل وزارة الإسكان بمنع هذه الخصومات.
5 __ 10 تأشيرات
كما تمنح الدولة ميزة أخرى لحامل كارنية عضوية مجلس الشعب، فتعطى الدولة لكل نائب 10 تأشيرات للحج و10 أخرى للعمرة كل عام، من حق النائب أن يعيطها لأفراد عائلته أو المقربين منه.
6 __ 50 ألف جنيه
كما يحق أيضًا لحامل كارنيه عضوية المجلس أن يحصل على قرض لا تتجاوز قيمته مبلغ 50 ألف جنيه مع تسهيلات في السداد ودون أى فوائد أو مصاريف إدارية .
7 __ 500 جنيه
وتعتبر وظيفة نائب البرلمان وظيفة مربحة جدًا، حيث يحصل النائب على مبلغ من 300 الي 500 جنيه نظير حضوره أي جلسة من جلسات المجلس كما يحصل على راتب يقدر بـ5000 جنيه شهريا ليصبح إجمالي ما يحصل عليه شهريا حوالي 25 ألف جنيه .
……أما لو طلعت في دماغك وعايز تبقي نائب
بالبلدى ،، كيف تصبح عضو مجلس نواب في 3 شهور فقط ؟ :

١ – فصّل 5 جلبيات بلدي صوف غاليين بالجلبيات البيضة اللي تحتيهم وشال كشمير محترم وكمان اشتري بدلتين وسيجار “اوعي تولعه ”
٢ – تروح أي عزا في الدايرة وتدخل من قدام حتي لو في قرايبك من هو أكبر منك سنا ومقاما
٣ – تروح أي فرح دعيت إليه أم لم تدعي وتسلم علي كل الفرح اهل العريس والعروسة والمدعويين
٤ – تتصرف ولو حتي هتستلف وتدبح عجل كل سنة وتوزعه علي كل الناس الباينة اللي ممكن تحشدلك أصوات .

٥ – تسمع عن أي صلح تروح تحشر نفسك في اللمسات الأخيرة وتقعد من قدام
٦ – تسمع عن أي ست غضبانة تروح لجوزها وتسمع منه وتاخد حد من أهله وتصالحهم
٧ – تنزل يفط كتير في العيد ودخول رمضان وتحط صورتك وتهنئ الامة الاسلامية وفي الاعياد المسيحية تهنئ الاخوة الأقباط .

٨ – اوعي تقرا سياسة عشان مش هتفهم حاجه واذا حد من المواطنين سألك أي سؤال سياسي ترد بإجابة واحدة ربنا يصلح الحال
٩ – تمشي مع التيار. وتبقى ولد الحكومة
١٠ – تسمع عن اي مدرسة هتتبني او اي شارع هيترصف تروح كاتب طلب وموديه الابنية التعليمية او مجلس المدينة وتدَّعي كذبا وزورا وبهتانا انك انت اللي عملته .

١١- أي افتتاح لأي مدرسة أو طريق أو شارع او مصنع علي طول تروح رايح وتحشر نفسك وتتصور
١٢ – أي مسجد هيتبني تروح وتدفع تبرع مالوش لزمة عشان تحضر افتتاح المسجد كإنك إنت اللي بنيته
١٣ – أي فرصة للخطابة في أي مناسبة امسك الميكروفون وقول كلمتين
١٤ – تنتقد المستشفي بمناسبة ومن غير مناسبة
١٥ – تصاحب الظباط وأمناء الشرطة عشان لو حد اتمسك تروح تطلعه من المركز
١٦ – لو الجلبيات قدمو فصل جلبيتين تانيين
١٧ – عربيتك لازم تكون كبيرة ومحترمة ولو ماعندكش استلف عربية من حد تبعك عشان لما تروح عزا او فرح .

١٨ – ماتمشيش من غير ٥ او ٦ رجول دكك حواليك يعملولك جو وكده
١٩- كل بلد تروحها تقوللهم ايه اللي ناقصكم ؟؟ يعني قال انت اللي ها تكمله
٢٠ – اي حد بيتفزلك وبيسأل أسئلة كتيرة وصعبة صاحبه بسرعه وخد تليفونه وقوله انت عجبتني عشان مخك حلو ونور عشان ينشغل بكلامك ويبطل يسأل ..

21- وتصاحب طوب الارض وتقعد عالقهاوي وتلم شلة حواليك بحيث يكون ليك هيبة كدة وزيطة كدابة ودايما صوتك يبقي أعلي من كل الموجودين للفت النظر والانتباه .. و يا سلام بقي لو بتشرب شيشة كمان بتحس انك معلم وابن سوق وفاهم في كل حاجة..

22- اختيار شلة من الهتيفة التى تردد خلف النائب الجمل والكلمات التى تحمل دغدغة لمشاعر المواطنين.
……للحديث بقية

الكاتب elsalam

elsalam

مواضيع متعلقة

اترك رداً